Parhr mukhlis 1

غزل

16.06.2012 23:52

                                                   دایوسپېڅلی نزاکت په کې له ورایه ښکاري

                                                    زړګیه چل د محبت په کې له ورایه ښکاري

                                                     چاودلې شونډې سپورې زلفې دجانان رنګونه

                                                      دایوڅونښې دغربت په کې له ورایه ښکاري

                                                      خدای خبرسترګې د یار بیابیا ولې ژوند رابښي

                                                      چې تل زماد قتل نیت په کې له ورایه ښکاري

                                                      د ګریوانه د ایېنې دا یو جدا انداز دی

                                                      چې د سړي قد اوقامت په کې له ورايه ښکاري

                                                      هغه چې سترګې توروي ورله لکۍ جوړوي

                                                      لا ده وړه خو شرارت په کې له ورایه ښکاري

                                                      زړه د مخلص دی د حالاتو په ګردونوکې پټ

                                                       خوستا تصویر لا داسې تت په کې له ورایه ښکاري.

 


ستاسو تبصره


لطفاً لاندې افغانستان په انګليسي تورو وليکئ.